"Бавария" бош мураббийи Томас Тухель жамоасининг ярим ҳимоя чизиғини мустаҳкамламоқчи. Sport1 хабарига кўра, германиялик мураббийнинг номзодлар рўйхатини Мадриднинг “Реал” клуби аъзоси Орельен Тчуамени бошқариб турибди.
Манбага кўра, мюнхенликлар аллақачон 23 ёшли франциялик футболчининг вакиллари билан алоқада бўлишган. Тчуаменининг ўзи, агар унга "Реал"нинг асосий таркибидан жой кафолатланмаганини тушунса, "Бавария"га ўтишга тайёр.
Эслатиб ўтамиз, Transfermarkt портали мутахассислари Тчуаменини 85 миллион еврога баҳоламоқда. "Реал Мадрид" сафида франциялик футболчи 50 та ўйин ўтказиб, 4 та голли узатмани амалга оширган.
