Yoshlar jamoalari o‘rtasidagi turnirlarning yozgi mavsumi yakuniga yetdi. Italiya yoshlar o‘rtasidagi jahon chempionati finalida mag‘lub bo‘ldi, ammo baribir kuboksiz qolmadi ular Yevro U-19 ni oldilar.
Ushbu turnirda bor-yo‘g‘i sakkizta jamoa ishtirok etdi, Ispaniya, Portugaliya va Italiya yuqori o‘rinlardan jol oldi. Bu jamoalar tarkibida eng umidli o‘yinchilar kelgan, ammo unchalik mashhur bo‘lmagan jamoalarda ham ochilishlar mavjud.
Ugo Feliks - 19 yosh, vinger, Portugaliya terma jamoasi
Joauning ukasi terma jamoa sardori va yetakchisi. U uchta gol urdi va ikkita golli uzatmani amalga oshirdi - gol+pas bo‘yicha birinchi o‘rinni Ribeyro va Barbera bilan bo‘lishdi. U hujumning ikkala qanotida harakat qilib, vaqti-vaqti bilan Karlos Borxes bilan pozisiyasini o‘zgartirib turdi. U har doim ham to‘p bilan xayrlashishga shoshilmaydi. Ikki oyoq bilan o‘ynash qobiliyati uni oldindan aytib bo‘lmaydigan o‘yinchiga aylantiradi.
Rodrigo Ribeyro - 18 yosh, qanot hujumchisi, Portugaliya terma jamoasi
Rodrigo guruh bosqichida Italiyaga qarshi o‘yinda 1+1 natijani qayt etdi, ammo finalda bu ko‘rsatkich takrorlana olmadi. Hujumchining ko‘p qirraliligi unga o‘yinning turli ssenariylariga moslashish imkonini beradi. Ribeyro har doim ham darhol o‘yinga tushavermaydi, lekin u tushganda bir zumda Portugaliyaning hujumdagi asosiy quroliga aylanadi. Norvegiya bilan o‘yinda ham shunday bo‘ldi: dastlabki 20 daqiqa ko‘rinmadi, keyinroq dubl qayd etib, golli uzatmani amalga oshirdi.
Samuel Vignato - 19 yosh, vinger, Italiya terma jamoasi
Samuyel chap qanotda Luis Xasa bilan ajoyib juftlik hosil qildi. Aynan ular Italiyani chempionlikka olib kelishdi. Vignato turnirda ikkita gol urdi va bitta golli uzatmani amalga oshirdi. Qanot hujumchisi yo‘q joydan imkoniyatlar yaratadi.
Luis Xasa - 19 yosh, yarimhimoyachi, Italiya terma jamoasi
“Yuventus” tarbiyalanuvchisi italiyaliklar tarkibida gol+pas bo‘yicha eng yaxshi bo‘ldi – 1+4. Lui - jamoaning asosiy dvigateli: u tashabbusni o‘z qo‘liga oladi, to‘pni oldinga yetkadi. Hujumga e’tibor qaratish va doimo o‘yinni kuchaytirish uchun imkoniyat izlaydi. Italiyalik futbolchi to‘pni ajoyib nazorat qiladi, shu tufayli u jamoaning himoyadan chiqib ketishiga yordam beradi.
Ivan Fresneda - 18 yosh, Ispaniya terma jamoasi
Ushbu turnirda eng ko‘p e’tibor qozongan futbolchi. Fresneda Yevro U-19ning eng qimmat futbolchisi: Transfermarkt himoyachini 15 mln yevroga baholamoqda.
Ivan o‘zini yo‘qotmadi. Himoyada ishonchli o‘ynadi, pozision hujumlarda yordam berdi. Top-klublar ispaniyalik futbolchini qishdan beri o‘z safiga qo‘shib olmoqchi. O‘shanda "Arsenal" va "Borussiya D" transferga eng yaqin bo‘lgan bo‘lsa, endi "Barselona" va "Milan". “Valyadolid” bilan shartnomada tovon puli 20 million yevroni tashkil etadi, ammo klublar bu summani kamaytirishga harakat qilmoqda.
Turnirning asosiy kashfiyotlari
Jarek Gaserovski - 18 yosh, markaziy himoyachi, Ispaniya terma jamoasi
Jarek yarim finalda ispanlarni yirik mag‘lubiyatdan qutqarib qoldi va butun turnirni ishonchli o‘tkazdi. "Valensiya" tarbiyalanuvchisi birinchi pasni a’lo darajada o‘tkazdi va sheriklarini himoya qildi. Italiya bilan o‘yinda bir necha bor xavfli zarbalarga olib kelishi mumkin vaziyatlar jamoani qutqardi.
Stefanos Simas - 17 yosh, hujumchi, Gresiya terma jamoasi
Stefanos Norvegiya bilan o‘yinda ikkita gol urdi, ammo Gresiya baribir mag‘lub bo‘ldi - 4:5. Simas kuchli va harakatchan hujumchi ekanligini ko‘rsatdi. Italiya matbuoti "Milan" va “Salernitana” gresiyalik bilan shartnoma imzolash uchun kurashayotganini yozmoqda.
Kimlar top-klublarga o‘tib ulgurdi?
Turnir davomida 18 yoshli italiyalik yarimhimoyachi Cher Ndur “PSJ”ga yo‘l oldi. Futbolchi “Benfika”ning asosiy jamoasida imkoniyatni kutmay, erkin agent sifatida ketdi.
Robert Levandovskining vorisi deb atalgan Viktor Barbera "Barselona"ni tark etib, "Bryugge" klubiga o‘tdi. Viktor 4ta gol bilan Yevro U-19 turnirining eng yaxshi to‘purari bo‘ldi. U o‘zi uchun vaziyat yarata oladi, to‘psiz yaxshi o‘ynaydi.
“Barselona” “Vilyarreal”ga o‘tgan Ilyos Axomashni yo‘qotdi. Uning uchun “Lids”, “Arsenal” va “Milan” uzoq vaqt kurashdi, ispaniyalik bu klublarning birinchisiga o‘tishga ham yaqin qolgandi, biroq jamoaning Chempionshipga tushib ketishi hammasiga xalal berdi.
