Mashhur italiyalik insayder Fabrisio Romano o‘z Twitter sahifasida "Atletiko" hujumchisi Joao Feliksning "Barselona"ga o‘tish istagi haqida yozdi.
"Kunning ikkinchi yarmida (kecha) Joau Feliks bilan gaplashdim. U "Barselona"ga o‘tishni juda xohlaydi. U orzu qilgan klubida o‘ynash uchun hamma narsaga tayyor. Ayni damda bu faqat istak, hozir iyul, hali oldinda avgust bor. Kutishimiz kerak.
Joauni "Barselona"ning moliyaviy muammolari sabab kamroq pastroq maosh olishi mumkinligidan xavotirda ekanligini sezmadim", - deb yozdi Romano.
Avvalroq Feliksning o‘zi ham "Barsa"da o‘ynashni orzu qilganini yashirib o‘tirmagandi.