"Sevilya" darvozaboni Yassin Bunu faoliyatini "Bavariya"da davom ettirmoqchi.
Nemis giganti yangi o‘rinbosar darvozabon izlamoqda, bu lavozimga ko‘plab nomzodlar ko‘rib chiqilmoqda.
Oldin xabar qilinganidek, Bunu Myunxen klubi short-listida paydo bo‘ldi. Jurnalist Filipp Kesslerning so‘zlariga ko‘ra, 32 yoshli marokashlik futbolchi “Bavariya”ga o‘tishga umuman qarshi emas. U Manuel Noyerning yordamchisi bo‘lishga rozi.
Transfermarkt nashri Yassin Bununing transfer narxini 12 million yevroga baholagan. Darvozabon “Sevilya” safida barcha musobaqalarda 140 ta o‘yinda maydonga tushib, 138 ta gol o‘tkazib yuborgan.
