"Севилья" дарвозабони Яссин Буну фаолиятини "Бавария"да давом эттирмоқчи.
Немис гиганти янги ўринбосар дарвозабон изламоқда, бу лавозимга кўплаб номзодлар кўриб чиқилмоқда.
Олдин хабар қилинганидек, Буну Мюнхен клуби шорт-листида пайдо бўлди. Журналист Филипп Кесслернинг сўзларига кўра, 32 ёшли марокашлик футболчи “Бавария”га ўтишга умуман қарши эмас. У Мануэль Нойернинг ёрдамчиси бўлишга рози.
Transfermarkt нашри Яссин Бунунинг трансфер нархини 12 миллион еврога баҳолаган. Дарвозабон “Севилья” сафида барча мусобақаларда 140 та ўйинда майдонга тушиб, 138 та гол ўтказиб юборган.