Madridliklar yozda o‘z tarkibini chiroyli yo‘sinda kuchaytirib olishlari mumkin va bu yo‘lda "Kastilya" yulduzlari doimo yordamga tayyor bo‘lgan. "Kastilya" Segundaga chiqa olmadi, ammo Madridning kichik klubida endi yuqori darajadagi o‘yin uchun mos futbolchilar avlodi bor. Ko‘ramiz, "Real Madrid" bazasiga kirishda kimga omad kulib boqishi mumkin?!
Serxio Arribas, yarim himoyachi
"Kastilya"ning eng qimmatli futbolchisi bo‘lib turibdi. Madridliklar uning uchun 10 million yevro to‘lashga tayyor va ijara variantini ham o‘ylab ko‘radi.
Rafa Marin, markaziy himoyachi
21 yoshli futbolchi La Liganing bir qancha jamoalari e’tiborini tortdi, shundan so‘ng unga Ispaniyadan tashqarida ham qiziqish paydo bo‘ldi.
Marvin Pak, qanot himoyachisi
"Las-Palmas"dagi bir yillik ijaradan so‘ng, "Rayo" futbolchiga qiziqib qoldi. "Real Madrid" endi 2 million yevro so‘rash bilan birga futbolchining 50% huquqlarini o‘zida saqlab qolishni reja qilgan. Fran Garsiya xuddi shunday sxema bo‘yicha sotilgan edi.
Karlos Dotor, yarim himoyachi
Dotor "Selta" bilan 3 million yevroga shartnoma imzolagan. Shuningdek, vigoliklar futbolchiga bo‘lgan huquqlarning yarmiga ham egalik qiladi. "Kastilya" sardori La Liga klublaridan bir nechta takliflar oldi, ammo yakunda u "Selta"ni afzal ko‘rdi.
Aleks Ximenes, lateral
Futbolchi faoliyatini "Milan"da yana ijara asosida davom ettiradigan bo‘ldi. Biroq Italiya klubi uni sotib olish huquqiga ega.
