Мадридликлар ёзда ўз таркибини чиройли йўсинда кучайтириб олишлари мумкин ва бу йўлда "Кастилья" юлдузлари доимо ёрдамга тайёр бўлган. "Кастилья" Сегундага чиқа олмади, аммо Мадриднинг кичик клубида энди юқори даражадаги ўйин учун мос футболчилар авлоди бор. Кўрамиз, "Реал Мадрид" базасига киришда кимга омад кулиб боқиши мумкин?!
Серхио Аррибас, ярим ҳимоячи
"Кастилья"нинг энг қимматли футболчиси бўлиб турибди. Мадридликлар унинг учун 10 миллион евро тўлашга тайёр ва ижара вариантини ҳам ўйлаб кўради.
Рафа Марин, марказий ҳимоячи
21 ёшли футболчи Ла Лиганинг бир қанча жамоалари эътиборини тортди, шундан сўнг унга Испаниядан ташқарида ҳам қизиқиш пайдо бўлди.
Марвин Пак, қанот ҳимоячиси
"Лас-Пальмас"даги бир йиллик ижарадан сўнг, "Райо" футболчига қизиқиб қолди. "Реал Мадрид" энди 2 миллион евро сўраш билан бирга футболчининг 50% ҳуқуқларини ўзида сақлаб қолишни режа қилган. Фран Гарсия худди шундай схема бўйича сотилган эди.
Карлос Дотор, ярим ҳимоячи
Дотор "Сельта" билан 3 миллион еврога шартнома имзолаган. Шунингдек, виголиклар футболчига бўлган ҳуқуқларнинг ярмига ҳам эгалик қилади. "Кастилья" сардори Ла Лига клубларидан бир нечта таклифлар олди, аммо якунда у "Сельта"ни афзал кўрди.
Алекс Хименес, латераль
Футболчи фаолиятини "Милан"да яна ижара асосида давом эттирадиган бўлди. Бироқ Италия клуби уни сотиб олиш ҳуқуқига эга.
