“Yuventus” yarimhimoyachisi Artur Melo faoliyatini “Fiorentina”da davom ettiradi.

Klub ijtimoiy tarmoqlarida Florensiyaga yetib kelgan braziliyalikning surati paydo bo‘ldi. Futbolchi 2023/24 yilgi mavsum oxirigacha jamoada ijara asosida o‘ynaydi. Italiya matbuotiga ko‘ra, "Fiorentina" ijara uchun 2 million yevro to‘laydi, "Yuventus" esa bonuslar ko‘rinishida yana 2 million ishlab olishi mumkin.

“Biz bu shartnoma ustida ko‘p mehnat qildik. Artur murabbiyga juda kerak edi, u bizning yarim himoyamizni kuchaytiradi”, dedi “Fiorentina” bosh direktori Jo Barone.