Mashhur ingliz yarim himoyachisi Jordan Xenderson Saudiya Arabistoni chempionatiga o‘tishga yaqin turibdi. Insayder Deyv Okop xabariga ko‘ra, yaqin 48 soat ichida futbolchi tibbiy ko‘rikdan o‘tadi va "Al-Ittifoq" bilan shartnoma imzolaydi.

Oldinroq "Liverpul" sardori Saudiya klubi bilan shartnoma imzolashi, unga ko‘ra uning maoshi haftasiga 800 ming yevro bo‘lishi ma’lum bo‘lgandi.

Xenderson mersisaydliklar jamoasida 2011 yildan beri o‘ynab kelmoqda. Yarim himoyachi o‘tgan mavsumda APLda 35 ta o‘yinda maydonga tushib, 2 ta golli uzatmani amalga oshirgan.