Fransiya prezidenti Emmanuel Makron Kilian Mbappeni "PSJ" bilan shartnomasini uzaytirishga yana bir bor chaqirdi.
Ispaniyaning El Debate nashri xabariga ko‘ra, Makron Mbappening kamida 2024 yilgi Parij Olimpiadasigacha "PSJ"da qolishini istamoqda.
"PSJ" prezidenti Nosir Al-Xelayfiy Mbappega 200 million yevro evaziga 2025 yilgacha shartnoma taklif qilmoqda.
Mbappening o‘zi klubini o‘zgartirishga moyil. Uning shartnomasi 2024 yilgacha mo‘ljallangan.
Eslatib o‘tamiz, 2022 yilning yozida Kilian "Real"ga tekinga o‘tishi mumkin edi, ammo yakunda parijliklar bilan shartnomani uzaytirishga qaror qildi. Makron futbolchiga Fransiyada qolishni maslahat berganlardan biri edi.













