Belarusning "Energetik-BGU" sharafini himoya qilgan hamyurtimiz Abduqodir Xusanov jamoasi bilan xayrlashdi.
Hurmatli "Energetik-BGU" xodimlari, muxlislari va ushbu klubga aloqador barcha!
Minskda o‘tkazgan vaqtim uchun sizga chin qalbimdan minnatdorchilik bildiraman. Sizning qo‘llab-quvvatlashingiz tufayli men ham futbolchi, ham shaxs sifatida o‘sdim - yanada yetuk bo‘ldim, yangi sinovlarga tayyorman. Ulardan biri meni tez orada kutmoqda.
Men "Energetik"ga O‘zbekistonning kam tanigan, yosh futbolchisi sifatida keldim va yoshlar o‘rtasidagi Osiyo kubogida g‘olib chiqqan, 20 yoshgacha bo‘lgan futbolchilar o‘rtasidagi jahon chempionatida ishtirok etgan terma jamoa futbolchisi sifatida ketyapman.
Bularning barchasi - meni o‘rab olgan, har tomonlama yordam bergan va har kuni yaxshiroq bo‘lishimga hissa qo‘shgan siz bilan bog‘liq.
Jamoadoshlarim va "Energetik-BGU" murabbiylar shtabiga minnatdorchilik bildiraman. Menga professional o‘sishda yordam bergan Anatoliy Ivanovich Yurevichga alohida rahmat.
"Energetik" menga katta futbolga yo‘l berdi va shuning uchun u mening qalbimda abadiy o‘z o‘rnini egallaydi.
Barchangizga katta rahmat! Abduqodir Xusanov" - deb post qoldirdi hamyurtimiz o‘zining ijtimoiy tarmoqlardagi sahifasida.
