"PSJ" hujumchisi Kilian Mbappe Saudiya Arabistoni chempionatiga o‘tmaydi, deya xabar bermoqda L’Equipe nashri.
Hatto Saudiya klubi taklif qilayotgan shartnomaning "aqldan ozgan" shartlari ham 24 yoshli fransiyalik futbolchining qaroriga ta’sir qilmaydi.
Oldinroq "Al-Hilol" Mbappega taklif bilan chiqqani haqida ma’lumotlar paydo bo‘lgandi. Arablar "PSJ"ga 200 million yevro, Mbappe esa 400 million yevro va ikki yillik shartnoma to‘lashga tayyor edi.
Kilian Yaponiyadagi mavsumoldi safari uchun jamoadan chetlatildi. "PSJ" rahbariyati kelasi yil tugaydigan shartnomani uzaytirishni istamagani uchun uni shu yozda sotish niyatida.