"ПСЖ" ҳужумчиси Килиан Мбаппе Саудия Арабистони чемпионатига ўтмайди, дея хабар бермоқда L’Equipe нашри.
Ҳатто Саудия клуби таклиф қилаётган шартноманинг "ақлдан озган" шартлари ҳам 24 ёшли франциялик футболчининг қарорига таъсир қилмайди.
Олдинроқ "Ал-Ҳилол" Мбаппега таклиф билан чиққани ҳақида маълумотлар пайдо бўлганди. Араблар "ПСЖ"га 200 миллион евро, Мбаппе эса 400 миллион евро ва икки йиллик шартнома тўлашга тайёр эди.
Килиан Япониядаги мавсумолди сафари учун жамоадан четлатилди. "ПСЖ" раҳбарияти келаси йил тугайдиган шартномани узайтиришни истамагани учун уни шу ёзда сотиш ниятида.
