"Olimpiakos"ni tark etgan Matye Valbuena professional faoliyatini yakunlamoqchi emas.

Fransiyaning L’Equipe nashri xabariga ko‘ra, futbolchida Kiprda faoliyatini davom ettirish uchun imkoniyat bor.

38 yoshli futbolchiga Limasol shahrining “Apollon” jamoasi qiziqish bildirmoqda. Qayd etilishicha, klub allaqachon fransiyalik faxriyga transfer taklifi bilan chiqqan - endi gap futbolchining o‘ziga bog‘liq.

Eslatib o‘tamiz, avvalroq Valbuena faoliyatining to‘rt yilini Gresiyaning ushbu top-klubida o‘tkazgach, "Olimpiakos"ni tark etgandi.