Hujumchi Arno Danjuma "Everton"ga ijara asosida o‘tganidan so‘ng jurnalistlar bilan suhbatlashdi.
"Irislar" niderlandiyalik futbolchini Ispaniyaning “Vilyarreal” klubidan kelayotgan mavsum oxirigacha ijaraga oldi. Yakshanba kuni kelishuv rasman tasdiqlandi.
"Men bu yerda ekanligimdan xursandman, "Everton"ga qo‘shilganimdan keyin o‘zimni ajoyib his qilyapman.
“Everton”ni tarixi, muxlislari, murabbiyi uchun tanladim. Boshqa klublar menga qiziqish bildirishdi, lekin men darhol bu yerga ko‘chib o‘tishga intildim.
O‘ylaymanki, hozir transfer uchun to‘g‘ri payt", - dedi 26 yoshli forvard.
