Angliya terma jamoasining sobiq hujumchisi Trevor Frensis 24 iyul kuni 69 yoshida vafot etdi.

Faoliyati davomida u ko‘plab klublarda, jumladan, "Birmingem", "Nottingem Forest", "Manchester Siti", "Sampdoriya", "Atalanta", "Reynjers" va boshqa klublarda o‘ynashga muvaffaq bo‘lgan. Frensis "Nottingem" bilan ikki marta yevrokubokni qo‘lga kiritdi. U Angliya terma jamoasi safida 52 ta o‘yin o‘tkazib, 12 ta gol urgan.

Frensis 1 million funt sterling evaziga sotilgan birinchi britaniyalik futbolchi sifatida tarixga kirdi. 1979 yilda shuncha pul evaziga u "Nottingem Forest"ga ko‘chib o‘tgandi.