Англия терма жамоасининг собиқ ҳужумчиси Тревор Френсис 24 июль куни 69 ёшида вафот этди.
Фаолияти давомида у кўплаб клубларда, жумладан, "Бирмингем", "Ноттингем Форест", "Манчестер Сити", "Сампдория", "Аталанта", "Рейнжерс" ва бошқа клубларда ўйнашга муваффақ бўлган. Френсис "Ноттингем" билан икки марта еврокубокни қўлга киритди. У Англия терма жамоаси сафида 52 та ўйин ўтказиб, 12 та гол урган.
Френсис 1 миллион фунт стерлинг эвазига сотилган биринчи британиялик футболчи сифатида тарихга кирди. 1979 йилда шунча пул эвазига у "Ноттингем Форест"га кўчиб ўтганди.
