"Dinamo" yarim himoyachisi Arsen Zaxaryan yozda "Yuventus"ga o‘tishi mumkin edi.

Metaratings nashri xabariga ko‘ra, Turin klubiga 20 yoshli rossiyalik futbolchini sotib olish taklifi tushgan.

"Yuventus" rahbarlariga Zaxaryanning nomzodi yoqdi, biroq bosh murabbiy Massimiliano Allegri transferni rad etdi.

Zaxaryanning bozor qiymati 15 million yevro. O‘tgan mavsumda yarim himoyachi 37 o‘yinda 5 ta gol urdi va 10 ta golli uzatmani amalga oshirdi.

Avvalroq uni “Chelsi”, “Ayaks”, “Feyenoord”, “Galatasaroy” sotib olishga uringan.