“Bayer”ning eronlik hujumchisi Serdar Azmun jarohat oldi. Bu haqda Leverkuzen klubi rasmiy saytida malum qildi.
Manba bergan xabarga ko‘ra, futbolchi bugun, 24 iyul kuni boshlangan yig‘inning birinchi kunida mushagidan jarohat olgan.
Eslatib o‘tamiz, 28 yoshli futbolchi o‘tgan yilning yanvar oyida "Zenit"dan "Bayer"ga o‘tgan edi. O‘tgan mavsumda Azmun barcha musobaqalarni hisobga olgan holda 33ta o‘yinda maydonga tushib, to‘rtta gol urdi va to‘rtta golli uzatma muallifiga aylandi.
Hujumchining "Bayer" bilan shartnomasi 2027 yilgacha mo‘ljallangan. Transfermarkt ekspertlari futbolchining narxini 12 million yevroga baholamoqda.
