"Milan"ning sobiq himoyachisi va texnik direktori Paolo Maldinida ikkita ish varianti bor, deya xabar beradi jurnalist Janluka Di Marsio.
Manbaga ko‘ra, Maldiniga "PSJ" va Italiya terma jamoasida ishlash taklif qilingan. Qanday lavozimlar haqida gap ketmoqda - hozircha noma’lum.
Paoloning o‘zi hozir ta’tilda va hali bir qarorga kelgani yo‘q.
55 yoshli Maldinining so‘nggi ish joyi "Milan" bo‘lib, u yerda 2018 yildan beri texnik direktor bo‘lib ishlagan. Paolo yordamchisi Frederik Massara bilan birgalikda transferlar va shartnoma muzokaralariga mas’ul edi.
Bu vaqt ichida “rossonerilar” 2011 yildan buyon ilk bor Italiya chempioni bo‘ldi va Chempionlar ligasi yarim finaliga chiqdi.
