"Милан"нинг собиқ ҳимоячиси ва техник директори Паоло Мальдинида иккита иш варианти бор, дея хабар беради журналист Жанлука Ди Марцио.
Манбага кўра, Мальдинига "ПСЖ" ва Италия терма жамоасида ишлаш таклиф қилинган. Қандай лавозимлар ҳақида гап кетмоқда - ҳозирча номаълум.
Паолонинг ўзи ҳозир таътилда ва ҳали бир қарорга келгани йўқ.
55 ёшли Мальдинининг сўнгги иш жойи "Милан" бўлиб, у ерда 2018 йилдан бери техник директор бўлиб ишлаган. Паоло ёрдамчиси Фредерик Массара билан биргаликда трансферлар ва шартнома музокараларига масъул эди.
Бу вақт ичида “россонерилар” 2011 йилдан буён илк бор Италия чемпиони бўлди ва Чемпионлар лигаси ярим финалига чиқди.