Maurisio Sarri hali Arsen Zaxaryanning "Lasio"ga o‘tishini ma’qullamagan.
La Gazzetta dello Sport nashri "Lasio" "Dinamo" bilan shartnoma shartlarini kelishib olgani haqidagi ma’lumotni tasdiqladi - Zaxaryan 10 million yevro va bonuslar evaziga jamoadan ketishi mumkin.
Biroq manbaning xabariga ko‘ra, kelishuv rimliklar ustozi Maurisio Sarri tomonidan hali ma’qullanmagan. U Klaudio Lotitodan Saudiyaning “Al-Hilol” klubiga o‘tgan Sergey Milinkovich-Savichning o‘rnini darhol egallashi mumkin bo‘lgan futbolchini so‘radi. Zaxaryan kelajak uchun futbolchi sifatida qabul qilinadi.
Sarrining iltimosi Frankfurtning “Ayntraxt”idan ketganidan keyin erkin agent maqomida bo‘lgan Daichi Kamadaga ko‘proq mos keladi. Biroq yiliga 5 million yevro maosh so‘rayotgan yaponiyalik futbolchi "Atletiko" bilan kelishuvga yaqin turibdi. "Lasio" futbolchining talablarini qondira olmaydi.
