"Vest Xem" Skott Maktominayga qiziqish bildirmoqda.
Sky Sports nashri xabariga ko‘ra, "bolg‘achilar" 26 yoshli yarim himoyachining transferi borasida "Manchester Yunayted" bilan ilk muzokaralarni o‘tkazishgan. Klublar futbolchining transfer qiymati borasida kelisha olmayapti.
Qayd etilishicha, "mankunianliklar" shotlandiyalik futbolchini jamoaning muhim a’zosi deb bilishadi, shuning uchun ular faqat juda katta summadagi taklifni ko‘rib chiqishadi.
Shuningdek, "Vest Xem" Jeyms Uord-Prouz borasida "Sautgempton" bilan muzokaralar olib bormoqda. Tomonlar kelishuvga yaqin, yarim himoyachi bilan shartnoma borasida muzokaralar olib borish londonliklar uchun muammo tug‘dirmaydi.
Oldinroq "Chelsi" Konor Gallaxerni "Vest Xem"ga 37+3 million funtga sotmagani ma’lum bo‘lgandi.