"Вест Хэм" Скотт Мактоминайга қизиқиш билдирмоқда.
Sky Sports нашри хабарига кўра, "болғачилар" 26 ёшли ярим ҳимоячининг трансфери борасида "Манчестер Юнайтед" билан илк музокараларни ўтказишган. Клублар футболчининг трансфер қиймати борасида келиша олмаяпти.
Қайд этилишича, "манкунианликлар" шотландиялик футболчини жамоанинг муҳим аъзоси деб билишади, шунинг учун улар фақат жуда катта суммадаги таклифни кўриб чиқишади.
Шунингдек, "Вест Хэм" Жеймс Уорд-Проуз борасида "Саутгемптон" билан музокаралар олиб бормоқда. Томонлар келишувга яқин, ярим ҳимоячи билан шартнома борасида музокаралар олиб бориш лондонликлар учун муаммо туғдирмайди.
Олдинроқ "Челси" Конор Галлахерни "Вест Хэм"га 37+3 миллион фунтга сотмагани маълум бўлганди.
