Londonning “Chelsi” jamoasi Amsterdamning “Ayaks” klubi hujumchisi Muhammad Kudus uchun kurashda “Arsenal”ni ortda qoldirmoqda. Jurnalist Migel Dileyning so‘zlariga ko‘ra, ganalik futbolchi uchun poygada hozir aynan “ko‘klar” yetakchilik qilmoqda.
"Ayaks" ushbu transfer oynasida Kudusni sotishga tayyor, ammo "Chelsi" hali rasmiy taklif bilan chiqmagan. "Ko‘klar" futbolchining o‘zi bilan shaxsiy shartlarni kelishib olishga yaqin turibdi.
Kudus hujumkor yarim himoyachi, markaziy hujumchi va o‘ng qanot yarim himoyachisi sifatida o‘ynay oladi. "Chelsi" bosh murabbiyi Maurisio Pochettino 22 yoshli Muhammadning o‘yinlariga befarq emas.
