Лондоннинг “Челси” жамоаси Амстердамнинг “Аякс” клуби ҳужумчиси Муҳаммад Кудус учун курашда “Арсенал”ни ортда қолдирмоқда. Журналист Мигель Дилэйнинг сўзларига кўра, ганалик футболчи учун пойгада ҳозир айнан “кўклар” етакчилик қилмоқда.
"Аякс" ушбу трансфер ойнасида Кудусни сотишга тайёр, аммо "Челси" ҳали расмий таклиф билан чиқмаган. "Кўклар" футболчининг ўзи билан шахсий шартларни келишиб олишга яқин турибди.
Кудус ҳужумкор ярим ҳимоячи, марказий ҳужумчи ва ўнг қанот ярим ҳимоячиси сифатида ўйнай олади. "Челси" бош мураббийи Маурисио Почеттино 22 ёшли Муҳаммаднинг ўйинларига бефарқ эмас.
