O‘zbekiston futbol assosiasiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.
Superliga
“Olimpik” — “Metallurg”
O‘zbekiston Superligasining 13-turi doirasidagi “Olimpik” — “Metallurg” uchrashuvining 58-daqiqasida “Metallurg” futbol klubi futbolchisi Husniddin G‘ofurov to‘p uchun kurashish vaqtida oyog‘ining tag qismi bilan raqib o‘yinchisini qorin qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Husniddin G‘ofurovga (“Metallurg”) nisbatan 2 ta o‘yinga chetlashtirish va jarima intizom chorasi qo‘llanildi.
O‘zbekiston kubogi
“Olimpik” — “Navbahor”
O‘zbekiston Kubogining 3-guruh bosqichi doirasidagi “Olimpik” — “Navbahor lochinlari” uchrashuvi yakunlangandan so‘ng “Navbahor lochinlari” futbol klubining rasmiy vakili Otabek Samatov bosh hakam sha’niga haqoratli so‘zlar ishlatgan.
Tartib-intizom qo‘mitasining qaroriga ko‘ra, Otabek Samatovga ("Navbahor lochinlari") nisbatan jarima intizom chorasi qo‘llanildi.
“Aral” — “Paxtakor”
O‘zbekiston Kubogining 3-guruh bosqichi doirasidagi “Aral” — “Paxtakor” uchrashuvning 28-daqiqasida “Paxtakor” klubi futbolchisi Muhammadrasul Abdumajidov to‘p maydonda bo‘lgan vaqtda raqib o‘yinchisining yuziga tizza qismi bilan zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Muhammadrasul Abdumajidovga ("Paxtakor") nisbatan 3 ta o‘yinga chetlashtirish intizom chorasi qo‘llanildi.
“Paxtakor-79” — “Xorazm”
O‘zbekiston Kubogining 3-guruh bosqichi doirasidagi “Paxtakor-79” — “Xorazm” uchrashuvi yakunlangandan so‘ng “Paxtakor-79” futbol klubining rahbari Kelvin Logo bosh hakam sha’niga haqoratli so‘zlar ishlatgani uchun qizil kartochka bilan jazolangan.
Tartib-intizom qo‘mitasining qaroriga ko‘ra, Kelvin Logoga (Paxtakor-79) nisbatan jarima intizom chorasi qo‘llanildi.
“Yunired” — “Bunyodkor”
O‘zbekiston Kubogining 3-guruh bosqichi doirasidagi “Yunired” — “Bunyodkor” uchrashuvning 90+3-daqiqasida “Bunyodkor” jamoasi futbolchisi Muhammadsafo Fozilov raqib o‘yinchisining sha’niga haqoratli so‘zlar ishlatgani uchun maydondan chetlashtirilgan.
Tartib-intizom qo‘mitasining qaroriga ko‘ra, Muhammadsafo Fozilovga (Bunyodkor) nisbatan 2 ta o‘yinga chetlashtirish intizom chorasi qo‘llanildi.
