Insayder Janluka Di Marsio xabariga ko‘ra, "Milan" "Rosario"ning argentinalik hujumchisi Alexo Velizga qiziqish bildirmoqda.

19 yoshli futbolchining agenti yaqin kunlarda Milanda bo‘ladi va u yerda "rossonerilar" rahbariyati bilan uchrashishi mumkin.

Argentina chempionatining 22ta o‘yinida Veliz 11ta gol va 1ta golli uzatmaga mualliflik qilgan. Uning klubi hozirda turnir jadvalida 7-o‘rinda bormoqda.

U-20 yoshlar o‘rtasidagi jahon chempionatida Alexo O‘zbekiston (2:1), Gvatemala (3:0) va Yangi Zelandiya (5:0) darvozasiga 3 ta gol urdi.