Superliganing ikkinchi davrasi 14-tur bahslari bilan boshlandi. Mazkur tur doirasida Vitaliy Levchenko shogirdlari "Neftchi" Bekobodning "Metallurg" klubini qabul qilishadi. Milliy chempionatimiz doirasida jamoalarning o‘zaro qarama-qarshilikdagi 45 ta bellashuviga to‘xtaladigan bo‘lsak, bularning 25 tasida "Neftchi" g‘alaba qozongan bo‘lsa, 11ta uchrashuvda bekobodliklar ustun kelishgan, 9 ta o‘yinda murosa ko‘chasi tanlangan. "Neftchi"ning eng yirik g‘alabasi 7:1," Metallurg" jamoasida esa 3:1 ko‘rinishida qayd etilgan. Umumiy to‘plar nisbati 78-41 farg‘onaliklar foydasiga.
Farg‘onada bo‘lib o‘tgan oxirgi 5 ta uchrashuv natijalari bilan tanishing
22.05.2022. "Neftchi"-"Metallurg" 3:0
24.04.2018 "Neftchi"-"Metallurg" 0:0
25.06.2017. "Neftchi"-"Metallurg" 0:2
01.07.2016. "Neftchi"-"Metallurg" 1:0
22.08.2015. "Neftchi"-"Metallurg" 2:1
Ma’lumot o‘rnida, "Neftchi" birinchi davrada Bekobodga safar uyushtirib, "Metallurg" ustidan 0:3 hisobidagi g‘alabani nishonlagan.
