Kilian Mbappening kelajagi noaniqligicha qolmoqda. "PSJ" hujumchini Yaponiya safariga olib ketmagan, chunki u shartnomani uzaytirmagan. 24 yoshli futbolchining amaldagi shartnomasi 2024 yilning iyun oyi oxirida tugaydi va Fransiya chempionlari Mbappeni tekinga yo‘qotmoqchi emas. Shu bilan birga, Kilian bir yildan so‘ng "Real"ga erkin agent maqomida o‘tishga rozi bo‘lgani haqida ma’lumotlar tarqaldi.
Mbappe yozda "Al-Hilol"ga o‘tishni rad etgani haqida mish-mishlar tarqaldi. Hozirda "PSJ" Angliya Premyer-ligasi klublaridan hujumchini 2023/2024 yilgi mavsum uchun ijaraga olish bo‘yicha takliflarni tinglashga tayyor. Bu haqda GOAL portali xabar bermoqda.
Qayd etilishicha, "PSJ" Mbappeni ijaraga berib, klub ijarachisi futbolchining maoshini to‘liq o‘z zimmasiga olishi sharti bilan APLga qo‘yib yuborishi mumkin. Manbaga ko‘ra, Kilianga "Manchester Yunayted", "Chelsi" va "Tottenxem" klublari qiziqish bildirmoqda.
