Килиан Мбаппенинг келажаги ноаниқлигича қолмоқда. "ПСЖ" ҳужумчини Япония сафарига олиб кетмаган, чунки у шартномани узайтирмаган. 24 ёшли футболчининг амалдаги шартномаси 2024 йилнинг июнь ойи охирида тугайди ва Франция чемпионлари Мбаппени текинга йўқотмоқчи эмас. Шу билан бирга, Килиан бир йилдан сўнг "Реал"га эркин агент мақомида ўтишга рози бўлгани ҳақида маълумотлар тарқалди.
Мбаппе ёзда "Ал-Ҳилол"га ўтишни рад этгани ҳақида миш-мишлар тарқалди. Ҳозирда "ПСЖ" Англия Премьер-лигаси клубларидан ҳужумчини 2023/2024 йилги мавсум учун ижарага олиш бўйича таклифларни тинглашга тайёр. Бу ҳақда GOAL портали хабар бермоқда.
Қайд этилишича, "ПСЖ" Мбаппени ижарага бериб, клуб ижарачиси футболчининг маошини тўлиқ ўз зиммасига олиши шарти билан АПЛга қўйиб юбориши мумкин. Манбага кўра, Килианга "Манчестер Юнайтед", "Челси" ва "Тоттенхэм" клублари қизиқиш билдирмоқда.
