"PSJ" vinger Bredli Barkola transferi bo‘yicha "Lion" bilan kelishuvga erisha olmadi.

Parijliklar ustozi Luis Enrike 20 yoshli futbolchini o‘z safiga qo‘shib olishga shaxsan o‘zi qiziqqan va ispaniyalikning iltimosi klubda qanoatlantirilgan. Insayder Fabrisio Romanoning so‘zlariga ko‘ra, "PSJ" Barkola uchun 30 million yevro taklif qilgan, "Lion" esa bunga rad javobini bergan. Ayni damda Fransiyaning amaldagi chempioni rahbariyati bor e’tiborini 50 million yevro evaziga “Barselona”dan Usmon Dembeleni sotib olishga qaratgan.

Bredli Barkola o‘tgan mavsumda "Lion" tarkibida 35 ta o‘yinda maydonga tushib, 7 ta gol va 10 ta golli uzatmaga mualliflik qilgan.