"Manchester Siti" hujumchisi Jek Grilish Saudiya Arabistonining "Al-Ahli" klubiga o‘tgan sobiq jamoa futbolchisi Riyod Mahrez bilan xayrlashdi.
"Afsona! Men sizni sog‘inaman, faoliyatingizni yangi bosqichida eng yaxshisini tilayman" - deb post qoldirdi Grilish ijtimoiy tarmoqlarda.
32 yoshli Maxrez 2018 yilning yozidan buyon "Manchester Siti"da o‘ynab kelayotgandi. Jamoa uchun 236 o‘yinda hujumchi 78 gol urgan va 59 golga assistentlik qilgan. Maxrez jamoa bilan 12 ta sovrin, jumladan, Chempionlar ligasi va to‘rtta Angliya chempioni bo‘lgan.
Ma’lum bo‘lishicha, Maxrezning transferi "Al-Ahli"ga 30 million yevroga tushgan. Ushbu jamoada Riyod "Chelsi"ning sobiq darvozaboni Eduard Mendi va uning hamyurti Riyod Budebuz bilan birga o‘ynaydi.
