«Dinamo» jamoasi Pro liga 2-davrasi oldidan o‘z tarkibini kuchaytirishda davom etmoqda.
Yozgi transfer oynasining so‘nggi kunlarida murabbiylar shtabi taklifiga ko‘ra, Samarqand klubi safiga Shodiyor Olimjonov kelib qo‘shildi. Superliga birinchi davrasida «Neftchi» yoshlar jamoasi sharafini himoya qilgan 19 yoshli yarimhimoyachi bilan mavsum yakuniga qadar shartnoma imzolandi. Olimjonov «Dinamo» safiga erkin agent maqomida qo‘shildi.
Andijon futbol maktabi tarbiyalanuvchisi sanalmish Shodiyor 2004 yilda tug‘ilgan. U faoliyati davomida O‘zbekiston o‘smirlar jamoasi safida to‘p surgan, shuningdek «Neftchi» yoshlar jamoasi bilan O‘zbekiston chempioniga aylangan.
