«Динамо» жамоаси Про лига 2-давраси олдидан ўз таркибини кучайтиришда давом этмоқда.

Ёзги трансфер ойнасининг сўнгги кунларида мураббийлар штаби таклифига кўра, Самарқанд клуби сафига Шодиёр Олимжонов келиб қўшилди. Суперлига биринчи даврасида «Нефтчи» ёшлар жамоаси шарафини ҳимоя қилган 19 ёшли яримҳимоячи билан мавсум якунига қадар шартнома имзоланди. Олимжонов «Динамо» сафига эркин агент мақомида қўшилди.

Андижон футбол мактаби тарбияланувчиси саналмиш Шодиёр 2004 йилда туғилган. У фаолияти давомида Ўзбекистон ўсмирлар жамоаси сафида тўп сурган, шунингдек «Нефтчи» ёшлар жамоаси билан Ўзбекистон чемпионига айланган.