Bugun siz bilan Messi "Inter Mayami" tarkibida MLSning 8 ta rekordini yangilashi mumkinligi haqida ko‘rib chiqamiz.

"Inter Mayami" tarixidagi eng yaxshi to‘purar

"Inter Mayami" 2020 yilda MLS klubiga aylanganini hisobga olsak, ular unchalik boy tarixga ega emas. Klub tarixidagi eng yaxshi to‘purar Messining Argentina termasidagi sobiq jamoadoshi Gonsalo Iguain bo‘lib, u 70 ta o‘yinda 29 ta gol urgan.

Xet-triklar soni bo‘yicha

Leoning "Inter Mayami"dagi jamoadoshi Jozef Martines MLS tarixidagi eng ko‘p xet-trik qayd etgan. Jozef 6 ta xet-trikni "Atlanta Yunayted"dagi faoliyati paytida amalga oshirgan.

Venesuyelalik futbolchi Bredli Rayt Filips (5ta), Robbi Kin (4ta) va Zlatan Ibragimovich (3ta). Lionel Messi faoliyati davomida 57 ta xet-trik qayd etganini hisobga olsak, uning "Inter Mayami" safida bu boradagi rekordni yangilay olish imkoniyati katta.

Jarima zarbalaridan kiritilgan gollar

Italiya terma jamoasi sobiq futbolchisi Sebastyan Jovinko 13 ta gol bilan jarima zarbasidan gol urish borasida MLSning rekordchisi hisoblanadi.

Jovinko "Toronto"dagi 4 yil davimidagi faoliyatida jarimadan 13 ta gol urishga muvaffaq bo‘lgan va bu bilan Jeff Larentovich, Xavyer Morales va "Inter Mayami" egasi Devid Bekxemni ortda qoldirgan.

Albatta, Messi MLSdagi debyutida "Kruz Azul"ga qarshi o‘yinda jarima zarbasidan gol urdi. Bu uning faoliyatidagi 53-gol urdi. Mazkur rekordni ham yangilash ehtimoli katta.

Bir mavsumda urilgan eng ko‘p gol

Messini o‘zga sayyoralik deb atashadi, ammo 2023 yilgi mavsumning o‘rtalarida jamoaga kelib bir mavsumda eng ko‘p gol urish borasidagi rekordni yangilashi birmuncha qiyin.

Meksika terma jamoasi sobiq a’zosi Karlos Vela "Los Anjeles" tarkibida bir mavsumda 34 ta gol urib, chempionat rekordini qo‘ygan edi. O‘tgan mavsumda Jozef Martines 31 ta gol urishga muvsaffaq bo‘lgan.

Messi yangi keyingi mavsumda bu rekordni yangilashi mumkin, ammo kelasi yil Leo 36 yoshda bo‘ladi.

Bir mavsumda eng ko‘p assist qayd etish

Assistlar borasidagi rekordni yangilash, gollar borasidagi rekordni yangilashdan ham qiyinroq bo‘lishi mumkin.

Kolumbiya futboli afsonasi Karlos Valderrama 2000 yilgi mavsumda "Tampa Bey" tarkibida 26 ta assist qayd etib MLS tarixida rekord o‘rnatgan. Messi esa, 2019/20 yilgi mavsumda "Barselona" safida 21 ta assist qayd etib, Yevropaning eng yaxshi natijasiga erishgan.

Eng uzoq davom etgan gollar seriyasi

Bu boradagi rekord 2019 yilda Jozef Martines tomonidan o‘rnatilgan edi. O‘shanda u MLSda ketma-ket 15 ta o‘yinda gol urgan.

Jozefning bu seriyasi Yevropaning bir qancha yulduzlari qayd etgan seriyalardan uzoqroq. Gabriyel Batistuta, Jeyms Vardi va Robert Levandovski shular qatorida. Ammo Messi La Ligada ketma-ket 21 ta o‘yinda 33 ta gol urishga muvaffaq bo‘lgan.

Messining bu natijasiga 10 yildan oshdi va yangi jamoasida yana qaytara oladimi degan savol ko‘ndalang.

Barcha davrlarning eng yaxshi to‘purari

Bu borada Messi rekordni yangilashi biroz ehtimoldan yiroq. Sababi, uning yoshi ancha o‘tib boryapti.

MLSning barcha davrlardagi to‘purari AQSH terma jamoasi sobiq futbolchisi Kris Vondolovski hisoblanadi. U 2005-2021 yillar orasida 171 ta gol urishga muvaffaq bo‘lgan. Rekordni buzish uchun Messi 2027 yilgacha bo‘lgan shartnomasi oralig‘ida har mavsumda 30 tadan kam bo‘lmagan gol urishi kerak bo‘ladi.

Barcha davrlarning eng yaxshi assistenti

AQSH terma jamoasining afsonasi Lendon Donovan "Los Anjeles" tarkibida 136 ta assist qayd etgan.

To‘purarlik borasidagi kabi assistentlikda ham Messi rekordni yangilashi birmuncha qiyin.

Lionel Messi "Inter Mayami" safida MLSning bir qancha rekordlarini buzishi mumkin. Buni esa vaqt ko‘rsatadi. Ko‘ramiz, kuzatamiz...