Бугун сиз билан Месси "Интер Майами" таркибида МЛСнинг 8 та рекордини янгилаши мумкинлиги ҳақида кўриб чиқамиз.

"Интер Майами" тарихидаги энг яхши тўпурар

"Интер Майами" 2020 йилда МЛС клубига айланганини ҳисобга олсак, улар унчалик бой тарихга эга эмас. Клуб тарихидаги энг яхши тўпурар Мессининг Аргентина термасидаги собиқ жамоадоши Гонсало Игуаин бўлиб, у 70 та ўйинда 29 та гол урган.

Хет-триклар сони бўйича

Леонинг "Интер Майами"даги жамоадоши Жозеф Мартинес МЛС тарихидаги энг кўп хет-трик қайд этган. Жозеф 6 та хет-трикни "Атланта Юнайтед"даги фаолияти пайтида амалга оширган.

Венесуелалик футболчи Бредли Райт Филипс (5та), Робби Кин (4та) ва Златан Ибрагимович (3та). Лионель Месси фаолияти давомида 57 та хет-трик қайд этганини ҳисобга олсак, унинг "Интер Майами" сафида бу борадаги рекордни янгилай олиш имконияти катта.

Жарима зарбаларидан киритилган голлар

Италия терма жамоаси собиқ футболчиси Себастьян Жовинко 13 та гол билан жарима зарбасидан гол уриш борасида МЛСнинг рекордчиси ҳисобланади.

Жовинко "Торонто"даги 4 йил давимидаги фаолиятида жаримадан 13 та гол уришга муваффақ бўлган ва бу билан Жефф Ларентович, Хавьер Моралес ва "Интер Майами" эгаси Девид Бекхэмни ортда қолдирган.

Албатта, Месси МЛСдаги дебютида "Круз Азуль"га қарши ўйинда жарима зарбасидан гол урди. Бу унинг фаолиятидаги 53-гол урди. Мазкур рекордни ҳам янгилаш эҳтимоли катта.

Бир мавсумда урилган энг кўп гол

Мессини ўзга сайёралик деб аташади, аммо 2023 йилги мавсумнинг ўрталарида жамоага келиб бир мавсумда энг кўп гол уриш борасидаги рекордни янгилаши бирмунча қийин.

Мексика терма жамоаси собиқ аъзоси Карлос Вела "Лос Анжелес" таркибида бир мавсумда 34 та гол уриб, чемпионат рекордини қўйган эди. Ўтган мавсумда Жозеф Мартинес 31 та гол уришга мувсаффақ бўлган.

Месси янги кейинги мавсумда бу рекордни янгилаши мумкин, аммо келаси йил Лео 36 ёшда бўлади.

Бир мавсумда энг кўп ассист қайд этиш

Ассистлар борасидаги рекордни янгилаш, голлар борасидаги рекордни янгилашдан ҳам қийинроқ бўлиши мумкин.

Колумбия футболи афсонаси Карлос Вальдеррама 2000 йилги мавсумда "Тампа Бей" таркибида 26 та ассист қайд этиб МЛС тарихида рекорд ўрнатган. Месси эса, 2019/20 йилги мавсумда "Барселона" сафида 21 та ассист қайд этиб, Европанинг энг яхши натижасига эришган.

Энг узоқ давом этган голлар серияси

Бу борадаги рекорд 2019 йилда Жозеф Мартинес томонидан ўрнатилган эди. Ўшанда у МЛСда кетма-кет 15 та ўйинда гол урган.

Жозефнинг бу серияси Европанинг бир қанча юлдузлари қайд этган сериялардан узоқроқ. Габриель Батистута, Жеймс Варди ва Роберт Левандовски шулар қаторида. Аммо Месси Ла Лигада кетма-кет 21 та ўйинда 33 та гол уришга муваффақ бўлган.

Мессининг бу натижасига 10 йилдан ошди ва янги жамоасида яна қайтара оладими деган савол кўндаланг.

Барча даврларнинг энг яхши тўпурари

Бу борада Месси рекордни янгилаши бироз эҳтимолдан йироқ. Сабаби, унинг ёши анча ўтиб боряпти.

МЛСнинг барча даврлардаги тўпурари АҚШ терма жамоаси собиқ футболчиси Крис Вондоловски ҳисобланади. У 2005-2021 йиллар орасида 171 та гол уришга муваффақ бўлган. Рекордни бузиш учун Месси 2027 йилгача бўлган шартномаси оралиғида ҳар мавсумда 30 тадан кам бўлмаган гол уриши керак бўлади.

Барча даврларнинг энг яхши ассистенти

АҚШ терма жамоасининг афсонаси Лендон Донован "Лос Анжелес" таркибида 136 та ассист қайд этган.

Тўпурарлик борасидаги каби ассистентликда ҳам Месси рекордни янгилаши бирмунча қийин.

Лионель Месси "Интер Майами" сафида МЛСнинг бир қанча рекордларини бузиши мумкин. Буни эса вақт кўрсатади. Кўрамиз, кузатамиз...