Madridning «Real» klubi chap qanot himoyachisi Ferlan Mendi jarohat olib, safdan chiqdi.

28 yoshli futbolchi «Barselona»ga qarshi o‘rtoqlik uchrashuvining 45-daqiqasida almashtirilgan edi. Onda Cero xabariga ko‘ra, fransiyalik futbolchi sonini shikastlab olgan, shu sababli u kamida bir oy maydonga tusha olmaydi.

Ferlan Mendi o‘tgan mavsumda «Real Madrid» safida 28 ta o‘yinda maydonga tushib, 1 ta golli uzatmani amalga oshirgan.

Mushaklar jarohati tufayli lateral so‘nggi mavsumning muhim qismini o‘tkazib yuborgandi.