Madridning «Real» klubi himoyachisi Daniel Karvaxal jamoasining «Barselona»ga 0:3 hisobida mag‘lub bo‘lganidan keyin buni fojeaga yo‘ymadi.
«Ishonchim komilki, rasmiy turnirlarda biz ularni mag‘lub etamiz. Bizda ko‘p vaziyatlar bor edi. Haqiqiy o‘yinda xavotir olmang, biz ularni o‘tkazib yubormaymiz», - deya Karvaxalning so‘zlarini keltiradi Goal portali.
Eslatib o‘tamiz, o‘tgan mavsumda «Barselona» Ispaniya chempioniga aylangan, «Real» esa ikkinchi o‘rinni egallagan edi. Kataloniyaliklar uchun bu 2019 yildan beri birinchi La Liga chempionligi bo‘ldi.
