"Galatasaroy" "PSJ" va Argentina terma jamoasi yarim himoyachisi Leandro Paredesni sotib olmoqchi, deya xabar beradi insayder Nikolo Shkira.
Jurnalistning so‘zlariga ko‘ra, turk klubi allaqachon parijliklar bilan futbolchini olti million yevroga sotib olish borasida kelishib olgan. Klub futbolchining o‘zi bilan 2027 yilning o‘rtalariga qadar shartnoma imzolaydi.
Paredes o‘tgan mavsumda "Yuventus"da ijara asosida o‘ynagandi. U barcha musobaqalarda 35 ta o‘yinda maydonga tushib, bitta gol va bitta golli uzatmaga mualliflik qilgan.