Londonning "Chelsi" klubi Serbiya terma jamoasi va Turinning "Yuventus" klubi hujumchisi Dushan Vlaxovichni o‘z safiga qo‘shib olishga jiddiy yondashmoqda. Bu haqda insayder Nikolo Skira ijtimoiy tarmoqlar orqali ma’lum qildi.
Jurnalistning ma’lum qilishicha, "ko‘klar" futbolchining vakillari bilan muzokara o‘tkazib, unga shartnoma taklif qilishgan. Angliya top-klubi Vlaxovichga yiliga 10 million yevro to‘lashga tayyor.
Dushan o‘tgan yilning yanvar oyidan beri "keksa sinyora" safida o‘ynab kelmoqda, u "Fiorentina"dan Turinga ko‘chib o‘tgandi. Vlaxovich o‘tgan mavsumda barcha musobaqalarda 42 ta o‘yinda maydonga tushib, 14 ta gol va 4 ta golli uzatmaga mualliflik qilgan.
