Лондоннинг "Челси" клуби Сербия терма жамоаси ва Туриннинг "Ювентус" клуби ҳужумчиси Душан Влаховични ўз сафига қўшиб олишга жиддий ёндашмоқда. Бу ҳақда инсайдер Николо Скира ижтимоий тармоқлар орқали маълум қилди.
Журналистнинг маълум қилишича, "кўклар" футболчининг вакиллари билан музокара ўтказиб, унга шартнома таклиф қилишган. Англия топ-клуби Влаховичга йилига 10 миллион евро тўлашга тайёр.
Душан ўтган йилнинг январь ойидан бери "кекса синьора" сафида ўйнаб келмоқда, у "Фиорентина"дан Туринга кўчиб ўтганди. Влахович ўтган мавсумда барча мусобақаларда 42 та ўйинда майдонга тушиб, 14 та гол ва 4 та голли узатмага муаллифлик қилган.
