"Kristal Pelas" bosh murabbiyi Roy Xojson yarim himoyachi Maykl Olisening jamoani tark etishi mumkinligi haqida fikr bildirdi. Eslatib o‘tamiz, yaqinda futbolchiga "Manchester Siti" va Londonning "Chelsi" kabi top-klublar qiziqish bildirayotgani haqida xabarlar tarqatilgan edi.
"Biz Oliseni jamoada saqlab qolish uchun kurashyapmiz. Uning atrofida top-klublar aylanmoqda, bu hech kimga sir emas. U yozda jamoani tark etishi ehtimoli bor", - dedi Xojson matbuot anjumanida.
Eslatib o‘tamiz, Olisening “Kristal Pelas” bilan shartnomasida tovon puli 35 million yevroni tashkil etadi. Premyer-liganing so‘nggi mavsumida yarim himoyachi ikkita gol urdi va o‘n bitta golli uzatmani amalga oshirdi.
