"Кристал Пэлас" бош мураббийи Рой Хожсон ярим ҳимоячи Майкл Олисенинг жамоани тарк этиши мумкинлиги ҳақида фикр билдирди. Эслатиб ўтамиз, яқинда футболчига "Манчестер Сити" ва Лондоннинг "Челси" каби топ-клублар қизиқиш билдираётгани ҳақида хабарлар тарқатилган эди.
"Биз Олисени жамоада сақлаб қолиш учун курашяпмиз. Унинг атрофида топ-клублар айланмоқда, бу ҳеч кимга сир эмас. У ёзда жамоани тарк этиши эҳтимоли бор", - деди Хожсон матбуот анжуманида.
Эслатиб ўтамиз, Олисенинг “Кристал Пэлас” билан шартномасида товон пули 35 миллион еврони ташкил этади. Премьер-лиганинг сўнгги мавсумида ярим ҳимоячи иккита гол урди ва ўн битта голли узатмани амалга оширди.
