"Chelsi" hujumchisi Kristofer Nkunku Dortmundning "Borussiya"siga qarshi o‘rtoqlik uchrashuvida (1:1) jarohat oldi.
"Pensionerlar" bosh murabbiyi Maurisio Pochettino fransiyalik futbolchiga yetkazilgan zarar haqida gapirdi.
"Shifokorlar Nkunkuni tekshirishdi, umid qilamanki, jiddiy narsa yo‘q. Kristofer kurash paytida yiqildi, shundan so‘ng tizzasida og‘riq sezdi. Umid qilamanki, hech qanday jiddiy narsa yo‘q", - deya argentinalik mutaxassisning so‘zlarini keltiradi “pensionerlar” matbuot xizmati.
Nkunku shu yozda "RB Leypsig"dan 60 million yevro evaziga "Chelsi"ga o‘tgan edi. Tomonlar 2029 yilning iyun oyi oxirigacha shartnoma imzolashdi.
