«Atalanta» hujumchisi Luis Muriel «Ash-SHabob»ning nishoniga aylandi.
Kolumbiyalik futbolchi o‘tgan mavsumda Jan Pyero Gasperini jamoasida kamdan-kam maydonga tushdi va joriy transfer oynasida klubini almashtirish haqida o‘ylamoqda.
Insayder Nikolo Skiraning so‘zlariga ko‘ra, 32 yoshli futbolchi Saudiyaning «Ash-SHabob» klubi tomonidan nishonga olingan.
Shu bilan birga, ta’kidlanganidek, hujumchining o‘zi ham faoliyatini Yevropada davom ettirishni afzal ko‘rmoqda.
Luis Muriel so‘nggi mavsumda «Atalanta» safida 31 o‘yinda maydonga tushib, 3 ta gol va 5 ta golli uzatmaga mualliflik qilgan.
Futbolchining Bergamo klubi bilan amaldagi mehnat shartnomasi kelasi yilning iyun oyida tugaydi.
