«Аталанта» ҳужумчиси Луис Муриэль «Аш-Шабоб»нинг нишонига айланди.

Колумбиялик футболчи ўтган мавсумда Жан Пьеро Гасперини жамоасида камдан-кам майдонга тушди ва жорий трансфер ойнасида клубини алмаштириш ҳақида ўйламоқда.

Инсайдер Николо Скиранинг сўзларига кўра, 32 ёшли футболчи Саудиянинг «Аш-Шабоб» клуби томонидан нишонга олинган.

Шу билан бирга, таъкидланганидек, ҳужумчининг ўзи ҳам фаолиятини Европада давом эттиришни афзал кўрмоқда.

Луис Муриэль сўнгги мавсумда «Аталанта» сафида 31 ўйинда майдонга тушиб, 3 та гол ва 5 та голли узатмага муаллифлик қилган.

Футболчининг Бергамо клуби билан амалдаги меҳнат шартномаси келаси йилнинг июнь ойида тугайди.