Ma’lumki, yaqinda "Andijon" rahbariyati chernogoriyalik legioner Armin Boshnyak bilan kelishuvga erishilganligi haqida xabar berilgandi.
Rejalashtirilganidek, kecha futbolchi Andijonga yetib keldi va “Surxon”ga qarshi o‘yin oldidan mashg‘ulotda ishtirok etdi. “Andijon” matbuot xizmati esa jamoaning yangi a’zosiga aylangan Arminni rasman tanishtirdi.
Ta’kidlash kerakki, bugungi muhim bahsda chernogoriyalik legionerning maydonga tushishi kutilmoqda.
Eslatib o‘tamiz, Boshnyak bilan 1+1 ko‘rinishda shartnoma imzolandi va o‘ziga tegishli bo‘lgan 94-raqamni qabul qilib oldi.
"Ishonamizki, chernogoriyalik o‘yinchi o‘zining ajoyib o‘yinlari va gollari bilan “Andijon”ning g‘alabalariga o‘z hissasini qo‘sha oladi" - deyiladi "Andijon"ning rasmiy bayonotida.
