Hujumchi Kilian Mbappe va «PSJ» rahbariyati o‘rtasidagi kelishmovchiliklar klubning transfer ishlariga salbiy ta’sir ko‘rsatmoqda, deya xabar bermoqda Lequipe jurnalistlari.

Manba bergan xabarga ko‘ra, parijliklar yangi futbolchilarni jamoaga taklif qilishda biroz qiyinchiliklarni boshdan kechirmoqda.

Yangi kelmoqchi bo‘lganlar Mbappe bilan bog‘liq vaziyat hal etilmaguncha jamoaga o‘tishni istamayapti.

Eslatib o‘tamiz, Kilian «PSJ» bilan yangi shartnoma tuzishdan bosh tortgan edi. Shu munosabat bilan klub hujumchini Yaponiyadagi mavsumoldi turnesidan chetlatdi.

Katta ehtimol bilan Fransiya chempioni hujumchini joriy transfer oynasida sotishi mumkin.