Rossiyalik yarim himoyachi Aleksey Miranchuk «Atalanta»ni tark etib, faoliyatini Italiyaning boshqa klubida davom ettirishi mumkin.
Toro.it xabariga ko‘ra, yarim himoyachi «Salernitana» bilan shartnoma imzolamoqchi. Aleksey Bulaye Diani almashtirishi mumkin.
Eslatib o‘tamiz, bergamoliklar jamoasi bosh murabbiyi Jan Pyero Gasperini Miranchukni 5 avgust kuni Germaniyada bo‘lib o‘tadigan «Union»ga qarshi o‘rtoqlik uchrashuvi uchun qaydnomaga kiritmagan edi.
Transfermarkt ma’lumotlariga ko‘ra, Alekseyning narxi 12 million yevro, Dia esa 25 million. Shunga ko‘ra, «Atalanta» senegallik hujumchining transferi uchun ma’lum miqdorda yana pul to‘lashi kerak bo‘ladi.
